Last updated: 17 September 2026
Hamari website par aapki chat history server par store nahi hoti. Baat-cheet sirf aapke browser ki memory (RAM) me rehti hai aur page band karne par chali jaati hai.
Telegram / WhatsApp par, aapke recent messages sirf conversation context yaad rakhne ke liye server ki temporary memory (RAM) me rehte hain. Yeh data disk par save nahi hota aur server restart hone par clear ho jata hai.
Jab aap sawal poochte hain, woh message HTTPS (encrypted) connection par hamare server tak aata hai, aur AI jawab banane ke liye Google Gemini API ko bheja jaata hai.
Google ke Unpaid (Free) Tier ke terms ke mutabik: free tier par Google aapke submitted content aur AI responses ko apne products aur machine learning ko improve karne ke liye use kar sakta hai, aur quality ke liye human reviewers bhi is data ko padh sakte hain (Google data ko aapke account/API key se alag karke dikhaata hai). Isliye Google khud kehta hai: "Do not submit sensitive, confidential, or personal information to the Unpaid Services".
🔒 Isliye humari request: chat me apna sensitive personal information — naam, case numbers, documents, address, Aadhaar — share na karein. Apna sawal general bhasha me poochhiye (jaise: "landlord deposit wapas nahi kar raha, kya karu?").
Hum aapka data kisi ko bechte nahi, aur apni taraf se kisi AI training me use nahi karte.
Service sabke liye free rakhne ke liye, har user/IP par ek ghante me limited messages ki limit hai (abuse/spam se bachne ke liye).
LegalWithDev ek AI legal-information assistant hai — advocate nahi. Yeh general legal information deta hai, legal advice nahi. Apne case ke liye qualified Advocate/Lawyer se milein. Free legal aid: nalsa.gov.in · 15100.
Questions? Email: legalwithdev@gmail.com